Зусім нядаўна вучаніца Свенскай сярэдняй школы Яна ГАРЭЛІКАВА яскрава прадэманстравала, што працавітасць памножаная на ўседлівасць даюць у выніку веды, базу для самаразвіцця. Гэтай сціплай на выгляд, але безумоўна адоранай дзяўчынай быў узяты не толькі раённы і абласны узровень, але ўжо і рэспубліканскі.

Так, менавіта ў рэспубліканскай алімпіядзе па беларускай мове наша зямлячка перамагла і атрымала Дыплом першай ступені. А дапамагала ёй настаўнік, рэпетытар і, што галоўнае, маці — Ніна Гарэлікава.